हेमलकसा इथल्या डॉ. मंदा व प्रकाश आमटे यांनी चालविलेल्या लोकबिरादरी प्रकल्पाच्या मदतीसाठी पुण्यातील प्रसिध्द व्हायोलिन वादक सौ. चारुशीला गोसावी आपला शुभारंभाचा कार्यक्रम रविवार,१२ फेब्रुवारी २०१२ रोजी बालशिक्षण सभागृहात सकाळी १० वाजता सादर करणार असून तो सांस्कृतिक पुणे यांच्यावतीने आयोजित केला आहे. यात मराठी व हिंदी लोकप्रिय गाणी सादर केला जाणार आहेत.हा कार्यक्रम त्या ज्येष्ठ व्हायोलिनवादक, संगीत संयोजक आणि संगीतकार अनिल मोहिले यांना श्रध्दांजली म्हणून सादर करतील .सांस्कतिक पुणेच्या वतीने महाराष्ट्रात अशा प्रकारचे विविध शहरात करण्यात येणार आहेत.
हेमलकसा इथल्या आदिवासी भागात आरोग्य आणि त्यांच्या सर्वांगिण विकासासाठी डॉ. मंदा व प्रकाश आमटे यांनी चालविलेल्या कार्याला आपण कलेच्या माध्यमातून आर्थिक हातभार लावावा या हेतूने सो. चारुशीला गोसावी यांनी या कार्यक्रमाची निर्मिती केली आहे.
व्हायोलिन वादन क्षेत्रात सौ. गोसावी गेली ३२ वर्षे विविध कार्यक्रमातून त्यांनी आपली कला पोचविली आहे. भारत संचार निगम लिमिटेड (बीएसएनइल) मध्ये त्या कार्यरत असून त्यांना खात्या अंतर्गत होणा-या अ.भा. स्तरावरील शास्त्रीय संगीताच्या व्हायोलीन वादनाच्या स्पर्धेत सलग २२ सुवर्णपदके प्राप्त झाली आहेत.
त्यांनी आत्तापर्यंत २५०० कार्यक्रमामधून व्हायोलीनचा साथ केली असून १०० चे वर स्वतंत्र व्हायोलीनवादनाचे कार्यक्रमही केले आहेत. आपले वडील व गुरू पं. भालचंद्र देव यांचेकडून त्यांनी हा कलेचा वारसा घेतला आसून भारभतभर विविध कार्यक्रमात त्यांनी सहभाग घेतला आहे.
कार्यक्रमात अभंग, नाट्य़गीत, लावणी इत्यादी प्रकारही त्या व्हायोलीनमधून सादर करणार आहेत.
पुण्यातला शुभारंभाचा कार्यक्रम पुण्यात रविवार, दि. १२ फेब्रुवारी २०१२ रोजी सकाळी. १० वाजता बालशिक्षण संस्थेच्या सभागृहात( मयूर कॉलनी,कोथरूड) पुणे होणार असून त्याची तिकीटे रूपये. १०० , व ५० अशी असून ती रविवारपासून नावडीकर म्यूझिकल्स (कोथरुड व ग्राहक पेठे शेजारी),आणि कमला नेहरू उद्याना समोर शिरीष ट्रेडर्स यांचेकडे उपलब्ध होणार असून शिल्लक तिकीटे सभागृहास्थळी मिळतील.
कार्यक्रमाला आर्थिक मदत करणारे आश्रयदाते लाभले असून खर्च वजा जात सर्व रक्कम लोकबीरादरी प्रकल्पासाठी दिली जाणार आहे. ज्यांना धनादेशाद्वारे मदत करायची आहे त्यांनी तो महारोगी सेवा समिती, वरोरा (Maharogi Sewa Samiti, Warora) या नावावर काढला तर तो स्विकारण्याची सोय सभागृहात खास करण्यात आली आहे.
सुभाष इनामदार,पुणे
subhashinamdar@gmail.com
9552596276
No comments:
Post a Comment