subhash inamdar

subhash inamdar

Tuesday, October 18, 2011

'लग्नाची बेडी' २२ ऑक्टोबरला 'विजयानंद'मध्ये

आचार्य अत्रे लिखित 'लग्नाची बेडी'या नाटकाचा शुभारंभाचा प्रयोग २२ ऑक्टोबरला 'विजयानंद'मध्ये झाला होता. हे नाटक ७५ व्या वर्षात पदार्पण करीत आहे पुन्हा त्या स्मृती जागविण्यासाठी 'विजयानंद' सज्ज होत आहे.पुन्हा तिथेच खास निमित्त साधून पुन्हा त्या स्मृतिंना उजाळा देण्यात येणार आहे.

आचार्य अत्रे लिखित या नाटकाचा शुभारंभाचा प्रयोग २२ ऑक्टोबरला 'विजयानंद'मध्ये झाला होता. देशभरात या नाटकाने लोकप्रियता, प्रयोग संख्या आणि उत्पन्नाचे अनेक विक्रम केले. काळाच्या ओघात 'विजयानंद'चे चित्रपटगृहात रुपांतर झाले अन् काही वर्षांपूर्वी ते बंदही झाले.

नाटकाच्या अमृतमहोत्सवी वर्षानिमित्त शनिवारी सकाळी साडेदहा वाजता 'विजयानंद'च्या आवारात पुन्हा 'लग्नाच्या बेडी'च्या स्मृतींना उजाळा मिळणार आहे. आचार्य अत्रे यांची ध्वनिफीत या वेळी ऐकविली जाणार असून,


या नाटकात भूमिका केलेल्या काही कलावंतांची मनोगते ऐकण्याची संधीही मिळणार आहे. रमेश देव, सीमा देव, स्वरूपकुमार, डॉ. गिरीश ओक यांच्यासह शिवशाहीर बाबासाहेब पुरंदरे आणि महापौर मोहनसिंग राजपालदेखील या कार्यक्रमास उपस्थित राहणार आहेत.

अखिल भारतीय मराठी नाट्य परिषद, पुणे शाखा आणि 'श्रीं ची इच्छा'तर्फे येत्या शनिवारी (२२ ऑक्टोबर) 'विजयानंद'मध्येच पुन्हा विशेष कार्यक्रम घेण्यात येणार आहे.

या नाटकात गेल्या ७५ वर्षांत मराठी रंगभूमीवरील अनेक कलावंतांनी महत्त्वाच्या भूमिका साकारल्या. नटवर्य बापूराव माने, रमेश देव, श्रीकांत मोघे, अरुण सरनाईक, प्रभाकर पणशीकर, प्रसाद सावकार, राजा गोसावी, शरद तळवलकर, हंसा वाडकर, पद्मा चव्हाण, प्रशांत दामले, निर्मिती सावंत अशा अनेक कलावंतांनी यात भूमिका साकारल्या. डॉ. श्रीराम लागू, सदाशिव अमरापूरकर, निळू फुले, विक्रम गोखले, तनुजा, अशोक सराफ आणि लक्ष्मीकांत बेर्डे यांनीही या नाटकाचे काही प्रयोग केले होते.
http://maharashtratimes.indiatimes.com/articleshow/10407593.cms